Bazuar në VKM-në Nr. 326, datë 31.05.2023, i ndryshuar, dhe në përputhje me nevojat e institucionit, Cirku Kombëtar shpall thirrjen për aplikim për 1 (një) pozicion pune si “Punëtor skene”.

1. QËLLIMI I POZICIONIT

Punëtori i skenës është përgjegjës për mbështetjen e veprimtarisë teknike dhe skenike të Cirkut Kombëtar, duke siguruar përgatitjen, montimin, çmontimin, transportimin, sistemimin dhe mirëmbajtjen e dekoreve, materialeve, rekuizitave dhe elementeve të skenografisë, në funksion të realizimit të shfaqjeve dhe aktiviteteve artistike të institucionit.

1. DETYRAT DHE PËRGJEGJËSITË

• Mirëmban dhe kujdeset për dekoret ekzistuese, si dhe për dekoret e reja të realizuara për shfaqjet dhe aktivitetet e Cirkut Kombëtar.
• Kryen detyrat e punëtorit të skenës sipas nevojave të institucionit dhe në zbatim të udhëzimeve të Përgjegjësit të Sektorit Teknik dhe Drejtuesit Artistik.
• Kryen transportimin, zhvendosjen, ngarkimin, shkarkimin dhe sistemimin e veglave, aparaturave, materialeve dhe dekorit të nevojshëm për realizimin e shfaqjeve.
• Monton dhe çmonton materialet, dekoret dhe elementet skenografike, sipas kalendarit të shfaqjeve dhe udhëzimeve të Përgjegjësit të Sektorit Teknik.
• Përgatit dhe sistemon hapësirën skenike para fillimit të shfaqjeve dhe e rikthen atë në gjendjen e përshtatshme pas përfundimit të tyre.
• Kujdeset për ruajtjen, mirëmbajtjen dhe përdorimin korrekt të veglave të punës, materialeve, dekoreve dhe elementeve të skenografisë që i vihen në dispozicion.
• Kryen ndërhyrje dhe riparime të thjeshta në dekore dhe elemente skenografike, në përputhje me udhëzimet e Përgjegjësit të Sektorit Teknik.
• Bashkëpunon me stafin teknik, artistik dhe mbështetës gjatë përgatitjes dhe zhvillimit të shfaqjeve, provave, aktiviteteve dhe eventeve të institucionit.
• Merr pjesë në montimin, çmontimin dhe transportimin e materialeve dhe elementeve skenike për aktivitetet e zhvilluara jashtë ambienteve të Cirkut Kombëtar.
• Zbaton me korrektësi udhëzimet e Përgjegjësit të Sektorit Teknik dhe të Drejtuesit Artistik lidhur me realizimin e detyrave.
• Respekton rregullat e disiplinës në punë, të sigurimit teknik dhe të sigurisë dhe shëndetit në punë.
• Mban përgjegjësi për përdorimin me kujdes të veglave, materialeve, pajisjeve dhe elementeve skenografike gjatë kryerjes së detyrave.
• Raporton te Përgjegjësi i Sektorit Teknik për problematikat, dëmtimet ose nevojat për ndërhyrje që konstatohen në dekore, materiale dhe elemente të skenës.
• Kryen edhe detyra të tjera të lidhura me funksionin, të përcaktuara nga Përgjegjësi i Sektorit Teknik dhe Drejtuesi Artistik.

III. KRITERET E VENDIT TË PUNËS

• Kandidati duhet të plotësojë kriteret e mëposhtme:
• Të ketë arsim të mesëm.
• Të ketë aftësi praktike për montimin, çmontimin, transportimin dhe sistemimin e materialeve dhe elementeve skenografike.
• Të ketë aftësi për përdorimin e mjeteve bazë të punës.
• Të jetë i aftë të punojë në grup dhe të bashkëpunojë me stafin teknik dhe artistik.
• Të jetë i përgjegjshëm, korrekt dhe i përkushtuar në kryerjen e detyrave.
• Të jetë i aftë për kryerjen e punëve fizike që lidhen me funksionin.
• Të jetë i gatshëm të punojë në ambiente të ndryshme dhe në kushte dinamike.
• Të ketë gatishmëri për punë sipas kalendarit të shfaqjeve dhe aktiviteteve të institucionit, përfshirë ditët e pushimit dhe oraret jashtë orarit të zakonshëm të punës, sipas nevojave të veprimtarisë.
• Të respektojë rregullat e disiplinës në punë, të sigurimit teknik dhe të sigurisë dhe shëndetit në punë.

Për këtë pozicion nuk kërkohet përvojë pune.

1. DOKUMENTET QË DUHET TË DORËZOHEN

• Kandidatët e interesuar duhet të paraqesin dokumentet e mëposhtme:
• Kërkesë për aplikim;
• Curriculum Vitae (CV);
• Fotokopje e kartës së identitetit;
• Kopje e diplomës dhe listës së notave;
• Dokument që vërteton eksperiencën në punë;
• Vërtetim të gjendjes gjyqësore;
• Çdo dokument tjetër që kandidati e konsideron të rëndësishëm për aplikimin.

Afati i fundit për aplikim: 11 shtator 2026

Data e konkurrimit: 16 shtator 2026

Ora: 10:00

Vendi: Cirku Kombëtar, Tiranë