Irena Prici

Irena Prici mban postin e Drejtorit të Politikave për Artin dhe Kulturën në Ministrinë e Turizmit, Kulturës dhe Sportit, ku punon me përkushtim për të avancuar projektet që promovojnë artin dhe kulturën, si dhe për të mbështetur artistët dhe krijuesit shqiptarë.

Me një diplomë në “Shkenca Komunikimi”, “Administrim Publik” dhe një tjetër në Gjuhë-Letërsi nga Universiteti i Tiranës, Irena ka zhvilluar një karrierë të suksesshme në fushën e komunikimit. Ajo ka njohuri të thella mbi strategjitë e komunikimit dhe menaxhimin e marrëdhënieve me publikun, që i kanë shërbyer për të ndërtuar ura komunikimi efektive midis institucioneve kulturore dhe audiencës.

Me një eksperiencë gati 20 vjeçare në administratën publike, ajo ka marrë pjesë në shumë trajnime dhe aktivitete që promovojnë integrimin e Shqipërisë në Bashkimin Evropian, duke u angazhuar për të sjellë praktikat më të mira dhe standardet ndërkombëtare në menaxhimin kulturor.

Karrierën e saj e ka filluar si gazetare për çështje kulturore dhe sociale në Televizionin Publik Shqiptar (TVSH) dhe si gazetare e aktualitetit politik në media private, duke ndihmuar në rritjen e ndërgjegjësimit për çështjet kulturore, sociale e politike në vend. Pas kësaj, ajo u emërua Zëdhënëse e Ministrisë së Turizmit, Kulturës, Rinisë dhe Sporteve, ku zhvilloi strategji efektive të komunikimit për të promovuar Shqipërinë në arenën ndërkombëtare si një destinacion turistik dhe kulturor.

Si pjesë e ekipit të programit të “Javëve Kulturore Ndërkombëtare”, “Culturalb” dhe pjesë e stafit organizator të festivaleve folklorike në Gjirokastër, Irena ka punuar për të lidhur kulturën shqiptare me audienca më të gjera, duke promovuar bashkëpunimin kulturor ndërkombëtar dhe fuqizimin e Diplomacisë Kulturore.

Irena beson se komunikimi është një mjet i fuqishëm për të ndihmuar në zhvillimin e kulturës dhe për të ndërlidhur komunitetet me trashëgiminë e tyre. Ajo është e përkushtuar për të krijuar një ambient ku arti dhe kultura të jenë në qendër të vëmendjes, duke përdorur komunikimin si një mjet për të mbështetur kreativitetin dhe për të inkurajuar bashkëpunimin ndërkulturor.

Me një angazhim të palëkundur për artin dhe kulturën, Irena Prici vazhdon të japë kontribut në hartimin dhe zhvillimin e politikave kulturore dhe eksperte në fushën e komunikimit në Shqipëri.