Ministri Blendi Gonxhja, Zëvendësministria Lira Pipa dhe përfaqësues të Ministrisë së Turizmit, Kulturës dhe Sportit në takimin me Fondacionin Art Explora për një prezantim të plotë mbi vitin e parë të funksionimit të Villa 31 në Tiranë, tashmë një qendër aktive residencash artistike, bashkëpunimesh ndërkombëtare dhe programimi kulturor.

Në vetëm një vit nga hapja:

• 30 artistë në rezidencë nga 126 vende, përzgjedhur nga mbi 1,900 aplikime;
• 101 aktivitete publike, kulturore dhe edukative;
• 30,000+ vizitorë dhe pjesëmarrës në Open Studios;
• Rritje e audiencës me +30% dhe 418K shikime;
• Bashkëpunime të forta me institucione kombëtare e ndërkombëtare në film, art, edukim e komunitet.

Villa 31 po pozicionohet si pikë e rëndësishme e shkëmbimit kulturor në rajon, me vëmendje te:

• prodhimi artistik dhe projektet komunitare
• programimi inovativ në film, muzikë, video-art
• krijimi i rrjeteve ndërkombëtare dhe rezidencave të reja kuratoriale

Diskutuam së bashku për fazën tjetër të zhvillimit të vilës, me fokus në:

• Qëndrueshmërinë afatgjatë përmes programit të sponsorizimeve;
• Forcimin e bashkëpunimeve në kuadër të programeve europiane;
• Rritjen e kontributit në turizmin kulturor të Shqipërisë;
• Mundësinë që të ardhurat e gjeneruara të mbështesin programe të reja, artistë dhe aktivitete publike.

Foto Album, kliko këtu!